Tiflaan-e-koocha gard k pathar bhi kuch nahi,
Sauda bhi aik wehm hai aur sar bhi kuch nahi,
MaiN aur khud ko tujh sey chupaaon ga, yaani main ?
Lay dekh lay Mian mere andar bhi kuch nahi,
Bas ik ghubaar-e-wehm hai ik koocha gard ka,
Deewaar-e-bood kuch nahi aur dar bhi kuch nahi,
Ye Shehar daar-o-Mohtasib-o-Maulavi hi kia,
Peer-e-mughaan-o-Rind-o-Qalander bhi kuch nahi,
Sheikh-e-haram luqma ki parwa hai kiyun tumhein ?
Masjid bhi us ki kuch nahi, Mimber bhi kuch nahi,
Maqdoor apna kuch bhi nahi is dayaar mein,
Shayad wo jabar hai k muqaddar bhi kuch nahi,
Yaani ! Main tere naaf piyaaley pey hoon fida,
Ye aur baat hai tera Paikar bhi kuch nahi,
Ye shab ka raqs-o-rang hi kya, sun meri kahani,
Subh-e-shataab-e-kosh ka daftar bhi kuch nahi,
Bas ik Ghubaar-e-taur gumaan ka hai teh-ba-teh,
Yaani nazar bhi kuch nahi, Manzar bhi kuch nahi,
Hai ab to aik haal-e-sukoon-e-hameshgi,
Parwaaz ka to zikr hi kya, par bhi kuch nahi,
Kitna Daraaoona hai ye shehar-e-nabood-o-bood,
Aisa Daraaoona k yahan Darr bhi kuch nahi,
Pehlu mein hai jo mere kaheen aur hai wo shakhs,
Yaani wafa-e-ehd ka bistar bhi kuch nahi,
Nisbat mein in ki jo hai Azziyat wo hai magar,
Shah-rag bhi koi shey nahi aur sar bhi kuch nahi,
Yaaraan ! Tumhein jo mujh say gila hai to kis liye ?
Mujh ko to aitraaz Khuda par bhi kuch nahi,
Guzray gi ''John'' mein rishton k kis tarah ?
Dil mein bhi kuch nahi hai, zabaan par bhi kuch nahi ...
Sauda bhi aik wehm hai aur sar bhi kuch nahi,
MaiN aur khud ko tujh sey chupaaon ga, yaani main ?
Lay dekh lay Mian mere andar bhi kuch nahi,
Bas ik ghubaar-e-wehm hai ik koocha gard ka,
Deewaar-e-bood kuch nahi aur dar bhi kuch nahi,
Ye Shehar daar-o-Mohtasib-o-Maulavi hi kia,
Peer-e-mughaan-o-Rind-o-Qalander bhi kuch nahi,
Sheikh-e-haram luqma ki parwa hai kiyun tumhein ?
Masjid bhi us ki kuch nahi, Mimber bhi kuch nahi,
Maqdoor apna kuch bhi nahi is dayaar mein,
Shayad wo jabar hai k muqaddar bhi kuch nahi,
Yaani ! Main tere naaf piyaaley pey hoon fida,
Ye aur baat hai tera Paikar bhi kuch nahi,
Ye shab ka raqs-o-rang hi kya, sun meri kahani,
Subh-e-shataab-e-kosh ka daftar bhi kuch nahi,
Bas ik Ghubaar-e-taur gumaan ka hai teh-ba-teh,
Yaani nazar bhi kuch nahi, Manzar bhi kuch nahi,
Hai ab to aik haal-e-sukoon-e-hameshgi,
Parwaaz ka to zikr hi kya, par bhi kuch nahi,
Kitna Daraaoona hai ye shehar-e-nabood-o-bood,
Aisa Daraaoona k yahan Darr bhi kuch nahi,
Pehlu mein hai jo mere kaheen aur hai wo shakhs,
Yaani wafa-e-ehd ka bistar bhi kuch nahi,
Nisbat mein in ki jo hai Azziyat wo hai magar,
Shah-rag bhi koi shey nahi aur sar bhi kuch nahi,
Yaaraan ! Tumhein jo mujh say gila hai to kis liye ?
Mujh ko to aitraaz Khuda par bhi kuch nahi,
Guzray gi ''John'' mein rishton k kis tarah ?
Dil mein bhi kuch nahi hai, zabaan par bhi kuch nahi ...
No comments:
Post a Comment