Tum haqeeqat nahi ho hasrat ho

 

 

Tum haqeeqat nahi ho hasrat ho
Jo milay khuwaab mein wo daulat ho

 

Main tumhare hi dam say zinda hoon
Mar hi jaon jo tum say fursat ho

Tum ho khushbu k Khuwab ki khushbu
Aur utni hi, Be - Murawwat ho

Tum ho Pehlu mein par qaraar nahi
Yaani aisa hai jaise furqat ho

Tum ho angrayi rang O nighat ki
Kaisay angrayi say shikaayat ho

Kis tarah chor doon tumhein janan
Tum meri zindagi ki aadat ho

Kis liye dekhti ho aaeena
Tum to khud say bhi khubsurat ho

Daastaan khatam honay wali hai
Tum meri aakhri muhabbat ho...