Ye Kuch Aasaan To Nahi K Hum

Ye Kuch Aasaan To Nahi K Hum,
Roothay Ab Bhi Hain Murawwat Mein,

Wo Jo Taameer Honay Wali Thi,
Lag Gai Aag Us Imaarat Mein,

Apne Hujray Ka Kya Bayaan Yahan,
Khoon Thooka Gaya Shararat Mein,

Wo Khalaa Hai K Sochta Hoon Main,
Us Say Kya Guftagu Ho Khalwat Mein,

Zindagi Kis Tarha Basar Ho Gi,
Dil Nahi Lag Raha Mohabbat Mein,

Ay Khuda Jo Kaheen Nahi Mojood,
Kya Likha Hai Humari Qismat Mein,

Haasil ''Kun'' Hai Ye Jahan-e-Kharaab,
Yehi Mumkin Tha Itni Ujlat Mein ...