Kalam Ho Taigh Ho Tesha kay Dhaal Mat Cheeno
Kabhi Kisi se kisi ka kamaal Mat Cheeno
Khushi Agar isi main hain to,Har khushi lay lo
Yeh Dukh yeh dard yeh Huzn O Malaal Mat Cheeno
Isi Khalash kay sabab Phir Mujhay Ubharna hain
Khuda Kay Wastay Ehd e Zawaal Mat Cheeno
Main Chor Sakta Nahi Saath Istakamat ka
Meri Azaan se Josh e BILAL Mat Cheeno
Abhi Kitaab Na Cheeno tum un kay Haatho se
Humare Bachon ka Husn O Jamaal Mat Cheeno
Humari Aankh Mein Yaadon kay Zakham Rehnay Do
Humare Haath se Phoolon ki Dhaal Mat Cheeno
Abhi Bujhao Na Candle,Na Cake Kaato Abhi
Kuch Aur Dair Mera Pichla Saal Mat Cheeno.....
No comments:
Post a Comment