Mar Mita Hoon Khayal Par Apne

 

 

Mar Mita Hoon Khayal Par Apne,
Wajad Aata Hai Haal Par Apne,

Abhi Matt Dijiyo Jawab K Main,
Jhoom To Loon Sawal Par Apne,

Umar_Bhar Apni Aarzu Ki Hai,
Mar Na Jaon Wisal Par Apne,

Ik Ata Hai Meri Hawas_Nigahi,
Naaz Kar Khad-o-Khaal Par Apne,

Apna Shauq Aik Haila-Saaz, So Ab,
Shak Hai Us Ko Jamal Par Apne,

Janay Is Dam Wo Kis Ka Mumkin Ho,
Behas Mat Kar, Muhal Par Apne,

Tu Bhi Aakhir Kamal Ko Pohncha,
Mast Hoon Main Zawal Par Apne,

Khud Pay Nadim Hoon 'Jaun' Yaani Main,
In Dino Hoon, Kamal Par Apne,

Bas Yoon Hi Mera Gaal Rakhnay Day,
Meri Jaan , Aaj Gaal Par Apne,

Koi Halat To Aitbaar Mein Hai,
Khush Hua Hoon, Malal Par Apne ...