Hum To Jaisey Wahaan Kay Thay Hi Nahi

Hum To Jaisey Wahaan Kay Thay Hi Nahi,
Dhoop They Sayaban Key They Hi Nahi,

Raastey Kaarwaan Kay Sath Rahey,
Marhaley Kaarwaan Kay Thay Hi Nahi,

Ab Hamara Makaan Kis Ka Hai
Hum To Apne Makaan Kay Thay Hi Nahi,

In Ko Aandhi Main Hi Bikharna Tha,
Baal-O-Par Yahan Kay Thay Hi Nahi,

Us Gali Nay Ye Sun Kay Saber Kiya,
Janay Walay Yahan Kay Thay Hi Nahi,

Ho Teri Khak-E-Aastaan Pay Salaam
Ham Tere Aastaan Kay Thay Hi Nahi ...