Gaahay Gaahay Bas Ab Yehi Ho Kya

Gaahay Gaahay Bas Ab Yehi Ho Kya,
Tum Se Mil Kar Bohat Khushi Ho Kya,

Mil Rahi Ho Barray Tapaak K Saath,
Mujh Ko Yaksar Bhula Chuki Ho Kya,

Yaad Hain Ab Bhi Apne Khuwaab Tumhein,
Mujh Se Mil Kar Udaas Bhi Ho Kya,

Bas Mujhe Yoonhi Ik Khayaal Aaya,
Sochti Ho To Sochti Ho Kya,

Ab Meri Koi Zindagi Hi Nahi,
Ab Bhi Tum Meri Zindagi Ho Kya,

Kya Kaha, Ishq Jaavedaani Hai,
Aakhri Baar Mil Rahi Ho Kya,

Haan, Fizaa Yaan Ki Soyi Soyi Si Hai,
To Bohat Roshni Ho Kya,

Mere Sab Tanz Be-Asar Hi Rehay,
Tum Bohat Door Ja Chuki Ho Kya,

Dil Mein Ab Soz-e-Intezaar Nahi,
Shaam-e-Umeed ! Bhuj Gayi Ho Kya,

Is Samundar Par Tishna Kaam Hoon Main,
Baan ! Tum Ab Bhi Beh Rahi Ho Kya ...