Aik Hunar Hai Jo Kar Gaya HooN MaiN

 

 

Aik Hunar Hai Jo Kar Gaya HooN MaiN,
Sab Ke Dil Se Utar Gaya HooN MaiN,

Kaise Apni Hansi Ko Zabt KarooN,
Sun Raha HooN Ke Ghar Gaya HooN MaiN,

Kya Bataoon, Ke Mar Nahi Paata,
Jeete Jee Jab Se Mar Gaya HooN MaiN,

Ab Hai Bas Apna Saamna Darpaish,
Har Kisi Se Guzar Gaya HooN MaiN,

Wohi Naaz-o-Adaa, Wohi Ghamze,
Sar-Ba-Sar Aaap Par Gaya HooN MaiN,

Ajab Ilzaam HooN Zamaane Ka,
Ke YahaN Sab Ke Sar Gaya HooN MaiN,

Kabhi Khud Tak Pohanch Nahi Paya,
Jab K WaaN Umar-Bhar Gaya HooN MaiN,

Tum Se JaanaN Mila HooN Jis Din Se,
Be-Tarah, Khud Se Dar Gaya HooN MaiN,

Koo-e-JaanaaN MeiN Sog Barpaa Hai,
Ke Achaanak Sudhar Gaya HooN MaiN ...