Ye Mera Shehr-E-Wafa Aur Maen Akela Aadmi

Ye Mera Shehr-E-Wafa Aur Maen Akela Aadmi,

Mere Laakho'n Aashna Aur Maen Akela Aadmi,

Ghoomta Phirta Hoon Shayad Mujh Sa Koi Aa Milay,

Gham K Mailay Ja-Ba-Ja Aur Maen Akela Aadmi,

Apni Tanhaai Say Bhi Hoti Nahin Ab Guftgu,

Be-Kran Qaid-E-Anaa Aur Maen Akela Aadmi,

Mera Saya Mar Na Jaye Raat K Iss Dasht Main,

Itna Lamba Raasta Aur Maen Akela Aadmi,

Aik Hi Sar Hai Jhuka Skta Hoon Kis Kis K Liye,

Un-Ginat Meray Khuda Aur Maen Akela Aadmi,

Uski Rahmat K Hazaron Dar Magar Wo Be-Niaz,

Mere So Dast-E-Dua Aur Maen Akela Aadmi,

Dard Ke Ilhaam Nazil Ho Rahy Hain Dam Badam,

Dil Ka Ye Ghaar-E-Hira Aur Akela Aadmi ...