Nayi Khuwahish Rachaai Ja Rahi Hai,
Teri Furqat Manaai Ja Rahi Hai,
Nabhaai Thi Na Hum Ne Jaanay Kis Se,
K Ab Sab Se Nibhaai Ja Rahi Hai,
Ye Hai Taameer-e-Duniya Ka Zamaana,
Haweli Dil Ki Dhaai Ja Rahi Hai,
Kahan Lazzat Wo Soz Justujoo Ki,
Yahan Har Cheez Paai Ja Rahi Hai,
Sun Ay Sooraj Judaai Mausamon K,
Meri Kyaari Jalaai Ja Rahi Hai,
Bohat Be-Haal Hai Basti, Tere Log,
To Phir, To Kiyun Sajaai Ja Rahi Hai,
Khosha Ahwaal Apni Zindagi Ka,
Saleeqay Se Ganwaai Ja Rahi Hai ...
No comments:
Post a Comment