Tujh Say Koi Gilaa Nahi Hai

 

 

Tujh Say Koi Gilaa Nahi Hai,
Qismat Mein Meri Silaa Nahi Hai,

Bichad Ke To Na Jaane Kya Haal Ho,
Jo Shakhs Abhi Mila Nahi Hai,

Jeene Ki To Aarzu Hi Kab Thi,
Marne Ka Bhi Hausla Nahi Hai,

Jo Zeest Ko Mu’tabir Bana De,
Aisa Koi Silsila Nahi Hai,

Khushboo Ka Hisaab Ho Chuka,
Aur Phool Abhi Khila Nahi Hai,

Sershaari-E-Rehbari Main Dekha,
Peechhe Mera Qaafilla Nahi Hai,

Ek Thes Pe Dil Ka Phoot Behna
Chhoone Mein To Aabla Nahi Hai ...