share on my blog By Sheharyar Sajid
Qurbaton mein bhee judai key zamanay mangay
Dil woh be-mehar ke ronay key bahanay mangay
Hum na hotay tu kisi aur key charchay hotay
Khulqat-e-shaher tu kehnay ko fasanay mangay
Yahi dil tha ke tarasta tha marasim key liay
Abb yahi tarkey-taaluq key bahanay mangay
Apna yah haal keh ji haar chukay lut bhi chukay
Aur mohubaat wohee andaaz puranay mangay
Dil kisi haal pah qane`h hi nahin jaan-e-FARAZ
Mil gaay tum bhee tu kaya aur na janay mangay...
No comments:
Post a Comment