Tumhein Jana Ijazat Hai
Ke In Tareek Raahon Per
Thakkan Si Khud Mein Pao To
Andheron Se Kabhi Dil Dol Jaye
Thakk Si Jao To
Mere Jalte Hue Lamhon
Mere Kangaal Hathon Se Chhora Ke Apne Hathon Ko
Haseen Pulkon Ki Nokon Per Naey Kuch Khuwab Bun Lena
Koi Agar Poochh Le Mera To Us Se Zikr Mat Karna
Mere Jeewan Ki Jalti Dopehar Se Begarz Ho Ker
Tum Apni Chandni Raaton Mein Jugnu Palti Rehna
Meri Tunhaiyon Ki Wehshat Ki Fikr Mat Karna
Tumhein Iski Ijazat Hai
Mere Sab Khut Jula Dena
Mere Tohfon Ko Darya Mein Baha Dena,
Duba Dena
Tumhein Bilkul Ijazat Hai
Ke Jab Chaho Bhula Dena
Magar Itni Guzarish Hai
Agar Aisa Na Ho Jana
To Acha Hai ...
Poet : Wasi Shah
No comments:
Post a Comment