Phir Usi Rah-Guzar Pe Shayed

 

 

 

Phir Usi Rah-Guzar Pe Shayed
Ham Kabhi Mil Sakein Magar Shayed

Jin Ke Hum Muntazir Rahey Unko
Mil Gaye Aur Ham-safar Shayed

Jan Pehchhan Se Bhi Kya Hoga
Phir Bhi Aye Dost, Ghaur Kar Shayed

Ajnabiat Ki Dhund Chhut Jaye!
Chamak Uthey Teri Nazar Shayed

Zindagi Bhar Lahu Rulayegi
Yad-e-Yaaraan-e-Bekhabar Shayed

Jo Bhi Bhichrey Woh Kab Miley Hein
Phir Bhi Tu Intizaar Kar Shayed ...

Poet : Ahmed Faraz