Be-qaraari si be-qaraari hai

Be-qaraari si be-qaraari hai
Wasl hai aur firaaq taari hai

Jo guzaari na ja saki hum se
Hum ne wo zindagi guzaari hai

Us se kehiyo K dil ki galiyon mein
Raat din teri intezaari hai

Ik mehak samt-E-jaaN se aayi thi
Main ye samjha teri sawaari hai

HaadsoN ka hisab hai apna
Warna har aan sab ki baari hai

Bin tumhare kabhi nahi aayi
Kya meri neend bhi tumhari hai

NighebaaN kya huay K logon par
apna saaya bhi ab to bhaari hai

Khush rehay tu k zindagi apni
Umar bhar ki umeed waari hai

Aap mein kaisay aaon main tujh bin
Saans jo chal rahi hai aari hai

Hijr ho ya wisal ho kuch ho
Hum hain aur us ki yaadgaari hai ...