Ab K Hum Bichhrrey To Shaayad Kabhi Khuwaabon Main Milein

 

 

Ab K Hum Bichhrrey To Shaayad Kabhi Khuwaabon Main Milein,

Jis Tarah Sookhay Huey Phool Kitaabon Main Milein,

Dhoond Ujrey Huey Logon Main Wafaa K Moti,

Ye Khazaanay Tujhe Mumkin Hai Kharaabon Main Milein,

Tu Khuda Hai Na Mera Ishq Farishton Jaisa,

Dono Insaan Hain To Kiyon Itney Hijaabon Main Milein,

Gham-E-Duniya Bhi Gham-E-Yaar Main Shaamil Kar Lo,

Nasha Barata Hai Sharabain Jo Sharabon Main Milein,

Aaj Ham Daar Pey Kheenchey Gaye Jin Baaton Par,

Kya Ajab Kal Wo Zamaaney Ko Nisaabon Main Milein,

Ab Na Wo Main Hoon Na Tu Hai Na Wo Maazi Hai 'Faraz',

Jaisey Do Shakhs Tamanna K Saraabon Maim Milein ...!