Wo Firaaq Aur Woh Wisaal Kahan?

Wo Firaaq Aur Woh Wisaal Kahan?
Woh Shab-O-Roz-O-Maah-O-Saal Kahan?

Fursat-E-Kaarobaar-E-Shauq Kise?
Zauq-E-Nazzaraa-E-Jamaal Kahan?

Dil To Dil Wo Dimaagh Bhee Na Rahaa
Shor-E-Sauda-E-Khatt-O-Khaal Kahan?

Thee Woh Ik Shakhs Ke Tasavvur Se
Ab Woh Raanaai-E-Khayaal Kahan?

'Eisa Aasaan Naheen Lahoo Rona
Dil Mein Taaqat Jigar Mein Haal Kahan?

Hamse A Qamaar_Khaana-E-Ishq
Waan Jo Jawain, Girah Mein Maal Kahan?

Fikr-E-Duniyaan Mein Sar Khapaata Hoon
Main Kahan Aur Ye Wabaal Kahan?

Muzmahil Ho Gaye Quw-e-'Ghalib'
Wo Anaasir Mein 'Eitdaal Kahan?