Tujh Say Mil Kar Bhi Kuch Khafa Hain Hum

 

 

Tujh Say Mil Kar Bhi Kuch Khafa Hain Hum,
Be- Murawwat Nahin To Aur Kya Hain Hum,

Hum Gham-E-Kaarwan Mein Behte The,
Log Samjhe Ki Shikasta-Paa Hain Hum,

Is Tarah Se Hamein Raqeeb Mile,
Jaise Muddat Ke Aashna Hain Hum,

Raakh Hain Hum Agar Ye Aag Bujhe,
Juz Dard-O-Gham Ka Aur Kya Hain Hum,

Khud Ko Sunte Hain Is Tarah Jaise
Waqt Ki Aakhri Saada Haain Hum,

Kyon Zamane Ko Ilzaam Dein 'Faraz'
Wo Nahi Hain To Be-Wafa Hain Hum ...