Khuda Kare K Meri Arz-e-Pak Par Utray

Khuda Kare K Meri Arz-e-Pak Par Utray
Wo Fasl-e-Gul Jisay Andesha-e-Zawal Na Ho

Yahan Jo Phool Khilay, Wo Khila Rahay Sadiyon
Yahan Khizan Ko Guzarnay Ki Bhi Majal Na Ho

Yahan Jo Sabza Ugay Wo Hamesha Sabz Rahay
Aur Aisa Sabz K Jis Ki Koi Misaal Na Ho

Khuda Kare K Na Kham Ho Sar-e-Waqar-e-Watan
Aur Is K Husn Ko Tashweesh-e-Mah-o-Saal Na Ho

Har Aik Fard Ho Tehzeeb-o-Fun Ka Aoj-e-Kamal
Koi Malol Na Ho Koi Khasta Haal Na Ho

Khuda Kare K Mere Ik Bhi Ham Watan K Liye
Hayat Jurm Na Ho Zindagi Wabal Na Ho ...