Ishq Mohabbat Waali Rahein Talkh Bohat Hein

Ishq Mohabbat Waali Rahein Talkh Bohat Hein

Khail Nahi Hay En Par Chalna,

Saath Nibhana Bohat Kathin Hay,

Do Pal Ki Hay Khushi Ki Sa'At,

Sadyo'n Phir Be Chaini Hay,

Chand Hi Hein Qurbat K Lahmey,

Phir Sunsaan Si Ratein Hein,

Sooraj K Neechey Mom Ka Ghar,

Kaha Nahi Tha Pagal Pan Hay,

Kaha Nahi Tha,

Aag Se Mat Khailo Tum Janaa'n,

Jal Jao Gi,

Sab Kuch tumse Kaha Tha Mein Ne,

Har ek Baat Batai Thi,

Achi Buri Har Prem KAhani,

Mein Ne tmhein Sunai Thi,

Lekin Ziddi LArki Tum Ne,

Meri Koi Baat Na Maani,

Vohi Kiya na Aakhir tum Ne,

Jiski Apne Dil Mein Thaani,

Pagal Larki,

Taiz Hawa Mein Diya Jalaya Tha Jo tum Ne,

Akhir Kab Tak Jalta REhta?

Hawa se Larty Larty Ek din,

Bujh Hi Gaya Voh Diya Tumhara,

Lekin Tum Ko Khabar Nahi Hay,

Jis Din Se Voh Diya Bhuja Hay,,

Us Din Se "Mein" Sulagg Raha Hun.........!!!