Hazaaron Dukh Parein Sehna Mohabbat Mar Nahi Sakti,
Hai Tum Se Bas Yehi Kehna Mohabbat Mar Nahi Sakti.
Tera Har Baar Mere Khat Ko Parhna Or Ro Dena,
Mera Har Baar Likh Dena Mohabbat Mar Nahi Sakti.
Kia Tha Hum Ne Kempas Ki Nadi Pe Ikk Haseen Wada,
Bhalay Hum Ko Parey Marna Mohabbat Mar Nahi Sakti.
Jahan Main Jab Talak Panchi Chehaktey Urtey Phirtey Hain,
Hai Jab Tak Phool Ka Khilna Mohabbat Mar Nahi Sakti.
Puraney Ahad Ko Jab Zinda Karne Ka Khyaal Aaye,
Mujhy Bas Itna Likh Dena Mohabbat Mar Nahi Sakti.
No comments:
Post a Comment