ALWIDA ALWIDA ALWIDA

Hawa dheeray dheeray chal rhi hai

ye subah jesay sisak rahi hai!

lgta hai zard patton ko hawa ne

tumhari judai ka raaz ugal dia hai…

K jis ko sun k tamam pattay

Sisk rahy hain…

Bilak rahy hain

Her ik rastay…

Her ik wadi…par

Her ik parbat…

Her ik ghatti par

ajb udasi utar rhi hai

raat Falk pay taray madham paray thay

chand bhi jesay zard para tha

subah ka tara ,dair tak

tumhara rusta tuk raha tha

raat b gumzada thi

subah b noha kana thi

tumhari judai k gum main ab

chaman b sara sisak raha hai

prinday tuk bilak rahay hain


aabsharon ka behta pani

beetay lamhon ko yaad ker k

udas nagmay suna raha hai

tumhary bicharny k gum main

dil tarpa ja raha hai,

ankhon say hain ashk jari

labon per siskian hain

zuban per hain duaain

jahan raho tum shaad raho

phalo pholo ,abaad raho

faqt itni si guzarish hai

dua ko jub b hath uthao tum

unhain mat bhool jana tum

jo zindgi k is mor per

tumhain alwida kehnay kharay hain

ALWIDA ay Hamnasheen Alwida

ALWIDA ALWIDA ALWIDA .../