CORRIDOR

----------------- ~ CORRIDOR ~ -------------------

jaane kab se he khaRii tanhaa wo corridor meN
phuul sii nazuk kalaii par bandhii ik 'watch' ko
dekhe un nazroN se jin meN he ajab sa iztiraab
jin nigahoN se chalak paRte heN kuch masuum khaab
haath meN 'file' liye, baaloN pe 'sun glasses' saaje
aur beh jaane ko heN aansuu jo heN palkoN tale
garche he ik bench jis pe koii bhii betha nahiiN
kuch hasiiN jazboN ke tabe us ne ye dekha nahiiN
jaane kab se he khaRii, jo wo thakan se chuur he
saath kyaarii meN laga har phuul bhii ranjuur he
pehle tang aa kar wo apnii baaliyoN se he kheltii
phir wo 'pehnaai' gaii anguuthiyoN se he puuchtii

"kya hua he mujh se milne kyuN nahiiN aate heN wo
jaan keh kar bhii mujhe kyuN itna taRpateN heN wo
ab agar aajaaiN, phir bhii un se na boloN gii meN
laakh chaheN wo manana, muR ke na dekhuN gii meN"

phir kissii ahat pe chehraa chaand sa wo khil utha
bujh gaya tha jo ummidoN ka diya, wo jal uthaa
berukhii ke ehed dil meN jitne the baandhe gaae
aansuuoN kii ek hii baaarish meN saare beh gaae....

---------------------------------------------------------------------------------

HEaRt StoLeR

dEfAuLtEr