tum phiR aaye ho

tum phiR aaye ho
mujh sey kitaab mango gay paRhnay k liye

shoq sey ley jao

magaR

itna khayal Rakhna

ab

meRi kitab mein

koi phool band kaR k mat bhejna

main sehmay huay Rishto'N sey daRti hoon

mujhe majbooRiyo'N k bojh talay dabay

ghutay ghutay sey taluq paRayshan kaRtay hain

mujhe lafzo'N k daRmiyan band kitaab mein

kaghazo'N ki deewaR sey lage

Reshmi jazbo'N ka koi akas mat bhejna

meRi kitab men

koi phool Rakh Kar mat bhejna